സീതപ്പാറയില്‍ ഓണം സ്‌പെഷ്യല്‍ ഡ്രൈവ്: 200 ലിറ്റര്‍ വാഷ് പിടികൂടി

Excise Seized Special Drive

പെരുവണ്ണാമൂഴി: ഓണം സ്‌പെഷ്യല്‍ ഡ്രൈവിന്റെ ഭാഗമായി പെരുവണ്ണാമൂഴി ഫോറസ്റ്റ് റേഞ്ച് ഓഫീസും ബാലുശ്ശേരി എക്‌സൈസ് റേഞ്ച് ഓഫീസും സംയുക്തമായി നടത്തിയ പരിശോധനയില്‍ സീതപ്പാറയില്‍ നിന്ന് 200 ലിറ്റര്‍ വാഷ് പിടികൂടി. ഇന്ന് രാവിലെ 11.30 ഓടെയായിരുന്നു പരിശോധന.

മുതുകാട് അംബേദ്കര്‍ ഊരിലേക്ക് പോകുന്ന റോഡിന് സമീപത്തെ ഒഴിഞ്ഞ സ്ഥലത്താണ് വന്‍തോതില്‍ വാഷ് സംഭരിച്ചിരുന്നത്. 100 ലിറ്റര്‍ വീതം ശേഷിയുള്ള രണ്ട് പ്ലാസ്റ്റിക് ബാരലുകളിലായാണ് വാഷ് സൂക്ഷിച്ചിരുന്നത്. പരിശോധനാ സംഘം എത്തുമ്പോള്‍ സ്ഥലത്ത് ആരും ഉണ്ടായിരുന്നില്ല. വാഷിന്റെ ഉടമസ്ഥനെ കണ്ടെത്താനായിട്ടില്ല.

ബാലുശ്ശേരി എക്‌സൈസ് റേഞ്ച് ഓഫീസിലെ അസിസ്റ്റന്റ് എക്‌സൈസ് ഇന്‍സ്‌പെക്ടര്‍ കെ. ഷൈജുയുടെ നേതൃത്വത്തിലുള്ള സംഘമാണ് പരിശോധന നടത്തിയത്. അസിസ്റ്റന്റ് എക്‌സൈസ് ഇന്‍സ്‌പെക്ടര്‍ സുനില്‍കുമാര്‍, സിവില്‍ എക്‌സൈസ് ഓഫീസര്‍മാരായ അനൂപ് കുമാര്‍, എസ്.ജെ. ലിനീഷ്, സിവില്‍ എക്‌സൈസ് ഓഫീസര്‍ ഡ്രൈവര്‍ വിനുരാജ് എന്നിവരും സംഘത്തിലുണ്ടായിരുന്നു.

പെരുവണ്ണാമൂഴി ഫോറസ്റ്റ് റേഞ്ച് ഓഫീസില്‍ നിന്ന് സെക്ഷന്‍ ഫോറസ്റ്റ് ഓഫീസര്‍ സജു, ബി.എഫ്.ഒ. ബാലന്‍ എന്നിവരും പരിശോധനയില്‍ പങ്കെടുത്തു. പിടികൂടിയ വാഷ് നശിപ്പിക്കുന്നതിനും കേസ് രജിസ്റ്റര്‍ ചെയ്യുന്നതിനുമുള്ള നടപടികള്‍ എക്‌സൈസ് ആരംഭിച്ചു.

ഓണത്തോടനുബന്ധിച്ച് മദ്യവില്‍പ്പനയും അനധികൃത വാറ്റും തടയുന്നതിനായി ജില്ലയില്‍ വിവിധയിടങ്ങളില്‍ പരിശോധന ശക്തമാക്കിയിട്ടുണ്ടെന്ന് എക്‌സൈസ് അധികൃതര്‍ അറിയിച്ചു.

Excise Seized Special Drive