മുണ്ടോത്ത് ശ്രീകൃഷ്ണ ക്ഷേത്രത്തില്‍ ഏകാദശി താലപ്പൊലി മഹോത്സവം നവംബര്‍ 20,21,22 തീയതികളില്‍
Sreekrishna Temple ഉള്ള്യേരി: പ്രശസ്തമായ ഉള്ള്യേരി മുണ്ടോത്ത് ശ്രീകൃഷ്ണ ക്ഷേത്രത്തില്‍ ഏകാദശി താലപ്പൊലി മഹോത്സവം നവംബര്‍ 20, 21, 22 തീയതികളില്‍ നടക്കുന്നു. മൂന്ന് ദിവസം നീണ്ടുനില്‍ക്കുന്ന ഉത്സവത്തിന് വിപുലമായ ഒരുക്കങ്ങളാണ് ക്ഷേത്ര…
Sreekrishna Temple
ഉള്ള്യേരി: പ്രശസ്തമായ ഉള്ള്യേരി മുണ്ടോത്ത് ശ്രീകൃഷ്ണ ക്ഷേത്രത്തില്‍ ഏകാദശി താലപ്പൊലി മഹോത്സവം നവംബര്‍ 20, 21, 22 തീയതികളില്‍ നടക്കുന്നു. മൂന്ന് ദിവസം നീണ്ടുനില്‍ക്കുന്ന ഉത്സവത്തിന് വിപുലമായ ഒരുക്കങ്ങളാണ് ക്ഷേത്ര കമ്മിറ്റിയും ഭക്തജനങ്ങളും ചേര്‍ന്ന് നടത്തിയിരിക്കുന്നത്.
നവംബര്‍ 20 ന് വൈകീട്ട് 4 മണിക്ക് കലവറ നിറയ്ക്കലോടെ ഉത്സവ പരിപാടികള്‍ക്ക് തുടക്കമാകും. വൈകീട്ട് 6 മണി മുതല്‍ പ്രാദേശിക കലാകാരന്മാര്‍ അവതരിപ്പിക്കുന്ന കലാവിരുന്ന് നടക്കും. നാട്ടിലെ കലാകാരന്മാരുടെ വിവിധ കലാപരിപാടികളാണ് കലാവിരുന്നില്‍ ഉണ്ടാകുക. നവംബര്‍ 21 ന് പുലര്‍ച്ചെ ഗണപതി ഹോമത്തോടെ രണ്ടാം ദിവസത്തെ ചടങ്ങുകള്‍ ആരംഭിക്കും.
ഉദയം മുതല്‍ അസ്തമയം വരെ അഖണ്ഡനാമജപം നടക്കും. ക്ഷേത്രം തന്ത്രി എളപ്പില ഇല്ലം ഡോ. ശ്രീകുമാരന്‍ നമ്പൂതിരിയുടെ കാര്‍മ്മികത്വത്തില്‍ വിശേഷാല്‍ പൂജകള്‍ നടക്കും. സന്ധ്യയ്ക്ക് ദീപാരാധന, ചുറ്റുവിളക്ക് എന്നിവ ഉണ്ടാകും.
രാത്രി 7 മണിക്ക് 'കലിയുഗത്തില്‍ ഭക്തിയുടെ പ്രധാന്യം' എന്ന വിഷയത്തെ ആസ്പദമാക്കി കുമാരി നിവേദ്യ സുധീറിന്റെ ആത്മീയ പ്രഭാഷണം നടക്കും. തുടര്‍ന്ന് കുട്ടികളുടെയും പ്രാദേശിക കലാകാരന്മാരുടെയും കലാപരിപാടികള്‍ നടക്കും.
ഭക്തജനങ്ങള്‍ക്ക് ആത്മീയ ഉണര്‍വ് നല്‍കുന്നതായിരിക്കും പ്രഭാഷണം. നവംബര്‍ 22 ന് കാലത്ത് ഗണപതി ഹോമം നടക്കും. ഉദയം മുതല്‍ അസ്തമയം വരെ അഖണ്ഡ നാമജപം ഉണ്ടാകും. ക്ഷേത്രം മേല്‍ശാന്തി മായഞ്ചേരി ഇല്ലം നാരായണന്‍ നമ്പൂതിരിയുടെ കാര്‍മ്മികത്വത്തില്‍ വിശേഷാല്‍ പൂജകള്‍ നടക്കും. ഉച്ചയ്ക്ക് പ്രസാദഊട്ട് ഉണ്ടാകും.
വൈകീട്ട് ദീപാരാധന, ചുറ്റുവിളക്ക് എന്നിവയ്ക്ക് ശേഷം സന്ധ്യയ്ക്ക് ചെണ്ട വാദ്യത്തിന്റെയും നിശ്ചല ദൃശ്യങ്ങളുടെയും അകമ്പടിയോടു കൂടിയ താലപ്പൊലിയും കര്‍പ്പൂരാരാധനയും നടക്കും. താലപ്പൊലി കാണാന്‍ നിരവധി ഭക്തജനങ്ങള്‍ എത്തിച്ചേരും. രാത്രി 9 മണിക്ക് ഗാന്ധി ഭവന്‍ തിയേറ്റര്‍ ഇന്ത്യ പത്താനപുരത്തിന്റെ നാടകം 'കൂട്' അരങ്ങേറും.
Sreekrishna Temple
Comments (0)