മാഞ്ചസ്റ്റർ സിറ്റിയെ തകർത്തു; എഫ്.എ കമ്മ്യൂണിറ്റി ഷീൽഡ് ചൂടി ഗണ്ണേഴ്‌സ്‌

ഇംഗ്ലീഷ് ഫുട്ബോൾ സീസണിന്റെ തുടങ്ങുന്നതിന്മു ന്നോടിയായി എഫ്.എ കമ്മ്യൂണിറ്റി ഷീൽഡ് സ്വന്തമാക്കിനിലവിലെ പ്രീമിയർ ലീഗ് ചാമ്പ്യന്മാരായ ആഴ്‌സണൽ. മാഞ്ചസ്റ്റർ സിറ്റിയെ എതിരില്ലാത്ത മൂന്ന് ഗോളുകൾക്ക് തകർത്താണ് ആഴ്സണൽ കിരീടം നേടിയത്.

ആഴ്സണലിന്റെ 18-ാമത്തെ കമ്മ്യൂണിറ്റി ഷീൽഡ് കിരീടമാണിത്. 12 വർഷത്തിനിടെ സിറ്റിക്കെതിരായ അവരുടെ ഏറ്റവും വലിയ ജയവും കൂടിയാണിത്. അടുത്ത ആഴ്ച ആരംഭിക്കുന്ന പ്രീമിയർ ലീഗിന് മുന്നോടിയായി ആഴ്സണലിന് വലിയ ആത്മവിശ്വാസമാണ് ഈ കിരീട നേട്ടം നൽകുന്നത്.

സിറ്റിയുടെ പുതിയ പരിശീലകൻ എൻസോ മരേസ്കയ്ക്ക് ആദ്യ കിരീട പോരാട്ടത്തിൽ തന്നെ തോൽവി ഏറ്റുവാങ്ങേണ്ടി വന്നു.

കാർഡിഫിലെ മില്ലേനിയം സ്റ്റേഡിയത്തിൽ നടന്ന മത്സരത്തിൽ തുടക്കം മുതൽ ആധിപത്യം പുലർത്തിയതാണ് ഗണ്ണേഴ്‌സ്‌ കിരീടം ഉയർത്തിയത്. മത്സരം തുടങ്ങി 23 സെക്കൻഡിനുള്ളിൽ റിക്കാർഡോ കലാഫിയോരി ഗോൾ നേടി ടീമിന് മികച്ച തുടക്കം നൽകി.

പിന്നീട് 28-ാം മിനിറ്റിൽ കൈ ഹാവേർട്സും രണ്ടാം പകുതിയുടെ തുടക്കത്തിൽ മൂന്ന് മിനിറ്റിനുള്ളിൽ ക്യാപ്റ്റൻ മാർട്ടിൻ ഒഡ്ഗാർഡും ഗോൾ നേടി പീരങ്കിപടക്ക് വമ്പൻ ജയം സമ്മാനിച്ചു. ആഴ്‌സണൽ ഗോൾകീപ്പർ ഡേവിഡ് റയയുടെ മികച്ച സേവുകൾ സിറ്റിയുടെ മുന്നേറ്റങ്ങളെ തടഞ്ഞുനിർത്തി. ഒഡെഗാർഡ് ആണ് കളിയിലെ താരം.