ജനകീയ സിനി ക്രീയേഷൻസിന്റെ രണ്ട് സിനിമകളുടെ പ്രമോഷൻ നടത്തി രമേശ് ചെന്നിത്തല

മരുതോങ്കര: സാമൂഹിക വിഷയങ്ങൾ പ്രമേയമാക്കി ജനകീയ സിനി ക്രീയേഷൻസ്, മരുതോങ്കരയുടെ ബാനറിൽ നിർമ്മിക്കുന്ന ‘കരുണം’, ‘പോരാട്ടം’ എന്നീ രണ്ട് സിനിമകളുടെ പ്രമോഷൻ ചടങ്ങ് നടന്നു. ജാനകിക്കാട് ത്രിക്കൈപ്പറമ്പ് ശ്രീമഹാവിഷ്ണു ക്ഷേത്രത്തിൽ നടന്ന ചടങ്ങിൽ കേരള ആഭ്യന്തരമന്ത്രി രമേശ് ചെന്നിത്തല വേദിയിൽവെച്ച് സിനിമകളുടെ പ്രമോഷൻ നിർവഹിച്ചു.

ലഹരിവിരുദ്ധ ബോധവൽക്കരണം പ്രമേയമാക്കിയാണ് ‘പോരാട്ടം’ ഒരുക്കുന്നത്. വയോജനങ്ങൾ നേരിടുന്ന വിവിധ പ്രശ്നങ്ങൾ പ്രമേയമാക്കിയാണ് ‘കരുണം’ സിനിമ ഒരുക്കുന്നത്.

മരുതോങ്കര സ്വദേശിയായ ലിജീഷ് ഉണ്ണിയാണ് സിനിമകളുടെ സംവിധായകൻ. മരുതോങ്കര ഗ്രാമപഞ്ചായത്ത് അഞ്ചാം വാർഡ് മെമ്പറും പൊതുപ്രവർത്തകനുമായ പൈക്കാട്ടുമ്മൽ വേണുഗോപാൽ ചടങ്ങിൽ പങ്കെടുത്തു.

ചടങ്ങിൽ പത്തനാപുരം നിയമസഭാ മണ്ഡലം അംഗം ജ്യോതികുമാർ ചാമക്കാല, നാദാപുരം എം.എൽ.എ കെ.എം. അഭിജിത്ത് എന്നിവരും പങ്കെടുത്തു.

സാമൂഹിക പ്രസക്തിയുള്ള വിഷയങ്ങൾ സിനിമയിലൂടെ സമൂഹത്തിന്റെ ശ്രദ്ധയിൽ കൊണ്ടുവരിക എന്ന ലക്ഷ്യത്തോടെയാണ് ജനകീയ സിനി ക്രീയേഷൻസിന്റെ ബാനറിൽ ഇരു ചിത്രങ്ങളും ഒരുങ്ങുന്നത്.