തൃശൂരിൽ പ്രായപൂർത്തിയാകാത്ത കൗമാരക്കാരന് മദ്യം നൽകി; ബാറുടമയ്‌ക്കെതിരെ കേസ്

തൃശൂർ: തൃശൂർ മണ്ണുത്തിയിലെ സ്വകാര്യ ബാറിൽ 17 വയസ്സുള്ള കൗമാരക്കാരന് മദ്യം നൽകിയ സംഭവത്തിൽ ബാറുടമയ്‌ക്കെതിരെ മണ്ണുത്തി പോലീസ് കേസെടുത്തു. മണ്ണുത്തി മയൂര ബാറിലാണ് നിയമം ലംഘിച്ച് പ്രായപൂർത്തിയാകാത്ത ആൾക്ക് മദ്യം നൽകിയത്.ബാറിനുള്ളിൽ അടിപിടി; പോലീസിന്റെ പരിശോധനയിൽ പ്രായം വ്യക്തമായിമയൂര ബാറിൽ വെച്ച് പതിനേഴുകാരൻ അടിപിടിയുണ്ടാക്കിയതിനെ തുടർന്നാണ് സംഭവങ്ങളുടെ തുടക്കം. വിവരമറിഞ്ഞെത്തിയ പോലീസ് ഇയാളെ കസ്റ്റഡിയിലെടുത്ത് പരിശോധിച്ചപ്പോഴാണ് പ്രായപൂർത്തിയായിട്ടില്ലെന്ന വിവരം പുറത്തുവന്നത്. തുടർന്ന് കുട്ടിയുടെ അമ്മയും പോലീസിൽ പരാതി നൽകുകയായിരുന്നു.അമ്മയുടെ പരാതിയിൽ പോലീസിന്റെ നടപടിസംഭവത്തിൽ കുട്ടിയുടെ അമ്മ നൽകിയ പരാതിയുടെ കൂടി അടിസ്ഥാനത്തിലാണ് ബാറുടമയ്‌ക്കെതിരെ മണ്ണുത്തി പോലീസ് കേസെടുത്തത്. നിയമലംഘനം നടത്തിയ ബാറിനെതിരെ കൂടുതൽ കർശന നടപടികളിലേക്ക് കടക്കാനാണ് പോലീസിന്റെ തീരുമാനം.