മേപ്പയ്യൂരിൽ ഓട്ടോ ഡ്രൈവർക്ക് തെരുവുനായയുടെ കടിയേറ്റു

മേപ്പയ്യൂർ: നെല്ല്യാടിക്കടവ് റോഡിൽ ഓട്ടോ ഡ്രൈവർക്ക് തെരുവുനായയുടെ കടിയേറ്റു. കണ്ടമ്പത്ത് ഗോപാലനാണ് കടിയേറ്റത്.

റോഡരികിൽ നിർത്തിയിട്ട ഓട്ടോ എടുക്കാൻ വന്നതായിരുന്നു ഇദ്ദേഹം. ഈ സമയം ഓട്ടോയുടെ അടിയിലുണ്ടായിരുന്ന തെരുവുനായകൾ ആക്രമിക്കുകയായിരുന്നു. രണ്ടു പട്ടികളാണ് ആക്രമിച്ചതെന്ന് ഗോപാലൻ പറഞ്ഞു.

പേരാമ്പ്ര താലൂക്ക് ആശുപത്രിയിൽ ചികിത്സ തേടി. മേപ്പയ്യൂർ ടൗണിലും ബസ് സ്റ്റാൻഡിലുമെല്ലാം തെരുവുനായ്ക്കളുടെ ശല്യം രൂക്ഷമാണ്. നേരത്തെയും ഇവിടെ ഓട്ടോ ഡ്രൈവർക്ക് നേരെ നായയുടെ ആക്രമണം ഉണ്ടായിരുന്നു.