അഴിക്കുള്ളിൽ കിടന്നോ...! വയനാട്ടിൽ പ്രായപൂർത്തിയാകാത്ത പെൺകുട്ടിക്ക് നേരെ നഗ്നതാ പ്രദർശനം; യുവാവിന് തടവും പിഴയും ശിക്ഷ

സുൽത്താൻ ബത്തേരി (വയനാട്): ( ) പ്രായപൂർത്തിയാകാത്ത പെൺകുട്ടിയുടെ മുന്നിൽ നഗ്നതാ പ്രദർശനം നടത്തിയ കേസിൽ യുവാവിന് രണ്ടുവർഷത്തെ തടവും 25,000 രൂപ പിഴയും ശിക്ഷ വിധിച്ചു. പുൽപ്പള്ളി റെയിൻബോ നഗർ, പറോട്ടിയിൽ വീട്ടിൽ പി.എ. സുജിത്തിനെയാണ് (44) ബത്തേരി ഫാസ്റ്റ് ട്രാക്ക് സ്പെഷ്യൽ കോടതി ജഡ്ജ് കെ.ആർ. സുനിൽകുമാർ ശിക്ഷിച്ചത്.

2021 ഡിസംബറിലാണ് കേസിനാസ്പദമായ സംഭവം നടന്നത്. പ്രായപൂർത്തിയാകാത്ത കുട്ടിക്ക് മുന്നിൽ അതിക്രമിച്ചു കയറി ഇയാൾ നഗ്നതാ പ്രദർശനം നടത്തുകയായിരുന്നു. അന്നത്തെ പുൽപ്പള്ളി പൊലീസ് സ്റ്റേഷൻ സബ് ഇൻസ്പെക്ടറായ കെ.എസ്. ജിതേഷ് ആണ് കേസിൽ അന്വേഷണം നടത്തി കോടതിയിൽ കുറ്റപത്രം സമർപ്പിച്ചത്. കേസിൽ പ്രോസിക്യൂഷനുവേണ്ടി സ്പെഷ്യൽ പ്രോസിക്യൂട്ടർ അഡ്വക്കറ്റ് ഓമന വർഗീസ് ഹാജരായി.

English Summary:

A Wayanad court sentenced 44-year-old P.A. Sujith to two years in prison and a fine of 25,000 rupees for indecent exposure in front of a minor girl in Pulpally back in December 2021. The verdict was delivered by Bathery Fast Track Special Court Judge K.R. Sunilkumar.

Bathery Court Exposure Case