മിണ്ടരുതെന്ന ഭീഷണി മറികടന്ന് സത്യം പറഞ്ഞു....! കളിച്ചു കൊണ്ടിരുന്ന രണ്ടാം ക്ലാസുകാരിയെ പീഡിപ്പിച്ച കേസ്, യുവാവിന് 35 വർഷം കഠിനതടവും പിഴയും ശിക്ഷ

തിരുവനന്തപുരം: ( www. ) ഏഴു വയസ്സുകാരിയെ പീഡനത്തിന് ഇരയാക്കിയ യുവാവിന് 35 വർഷം കഠിനതടവും 70,000 രൂപ പിഴയും ശിക്ഷ. കല്ലറ കെ ടി കുന്ന് എംജി കോളനിയിൽ ഹരിവിലാസത്തിൽ കൃഷ്ണ പ്രസാദിനെ (25) യാണ് കാട്ടാക്കട അതിവേഗ പോക്സോ കോടതി ജഡ്‌ജി വി വിനോദ് ശിക്ഷിച്ചത്.

വിവിധ വകുപ്പുകൾ പ്രകാരം 35 വർഷം കഠിനതടവിനും 70,000 രൂപ പിഴ ഒടുക്കാനുമാണ് ശിക്ഷിച്ചത്. തുക അതിജീവിതയ്ക്ക് നൽകാനും പിഴ അടച്ചില്ലെങ്കിൽ പ്രതി ഏഴുമാസം അധിക കഠിന തടവ് അനുഭവിക്കണമെന്നും വിധി ന്യായത്തിൽ പറയുന്നു.

കുട്ടി രണ്ടാം ക്ലാസിൽ പഠിക്കുമ്പോഴായിരുന്നു കേസിനാസ്‌പദമായ സംഭവം. ബന്ധുവീട്ടിലായിരുന്നു കുട്ടി. ആളില്ലാതിരുന്ന സമയം കുട്ടി കളിച്ചുകൊണ്ടിരിക്കെ മുറിയിൽ കയറിയാണ് കൃഷ്ണപ്രസാദ് പീഡിപ്പിച്ചത്. പ്രതി കുട്ടിയെ അശ്ലീല വീഡിയോകളും കാണിച്ചിരുന്നു. പുറത്ത് പറയരുതെന്ന് ഭീഷണിപ്പെടുത്തി.

പിന്നീടൊരിക്കൽ കുട്ടി തൻ്റെ കൂട്ടുകാരുമായി സംസാരിച്ചിരിക്കെ അപ്രതീക്ഷിതമായി തനിക്ക് ഉണ്ടായ ഉപദ്രവം അവരോടു പറയുകയും കൂട്ടുകാർ വിവരം പുറത്തറിയിക്കുകയും ചെയ്തതിനെ തുടർന്നാണ് കേസ് എടുത്ത് പ്രതിയെ പിടികൂടിയത്.

പ്രോസിക്യൂഷനുവേണ്ടി അഡ്വ. ഡി ആർ പ്രമോദ് കോടതിയിൽ ഹാജരായി. പ്രോസിക്യൂഷൻ ഭാഗത്തുനിന്ന് 17 സാക്ഷികളെ വിസ്‌തരിക്കുകയും 19 രേഖകൾ ഹാജരാക്കുകയും ചെയ്തു‌. അന്നത്തെ പാങ്ങോട് പൊലീസ് ഇൻസ്പെക്ടർ ജിനേഷ് ജെ ആണ് അന്വേഷണം പൂർത്തിയാക്കി കുറ്റപത്രം നൽകിയത്.

English Summary:

Youth sentenced to 35 years rigorous imprisonment and Rs 70,000 fine for abusing seven-year-old girl. Kattakada Fast Track POCSO Court Judge V Vinod sentenced Krishnaprasad (25) of Harivilasam, MG Colony, KT Kunnu, Kallara under various sections. Amount to be given to survivor; if fine not paid, additional seven months rigorous imprisonment. Incident when child was in second standard at relative's house; accused entered room while she was playing when no one around, abused her, showed porn videos and threatened not to tell. Later child unexpectedly told friends while talking, friends disclosed information leading to case and arrest. Prosecution represented by Adv DR Pramod, 17 witnesses examined and 19 documents produced; investigation completed and charge sheet filed by then Pangode police inspector Jinesh J.

Abuse Fast Track POCSO Court Case