സബ്ജില്ലാ കായികമേളയിൽ തിളങ്ങി ലൂമിന മറിയം; 100, 200 മീറ്ററുകളിൽ സ്വർണ്ണനേട്ടം

​കൊയിലാണ്ടി: സബ്ജില്ലാ കായികമേളയിൽ മികച്ച പ്രകടനവുമായി പുളിയഞ്ചേരി യു.പി. സ്കൂളിലെ ഏഴാം ക്ലാസ് വിദ്യാർത്ഥിനി ലൂമിന മറിയം ശ്രദ്ധേയയായി. സബ്ജില്ലാ കായികമേളയിൽ സബ് ജൂനിയർ പെൺകുട്ടികളുടെ 100 മീറ്റർ, 200 മീറ്റർ ഓട്ടമത്സരങ്ങളിൽ ലൂമിന ഒന്നാം സ്ഥാനം സ്വന്തമാക്കി.​കഴിഞ്ഞ വർഷത്തെ സബ്ജില്ലാ കായികമേളയിലും 100 മീറ്റർ, 200 മീറ്റർ മത്സരങ്ങളിൽ ഒന്നാം സ്ഥാനവും റിലേയിൽ ഒന്നാം സ്ഥാനവും ലോംഗ് ജംപിൽ രണ്ടാം സ്ഥാനവും ലൂമിന കരസ്ഥമാക്കിയിരുന്നു. സബ്ജില്ലയിലെ മിന്നും ജയത്തോടെ ജില്ലാതല കായികമേളയിൽ മത്സരിക്കാൻ ഒരുങ്ങുകയാണ് ഈ മിടുക്കി. പുളിയഞ്ചേരി സ്വദേശികളായ ജലീൽ കെ.ടി. – ഷഫീന ദമ്പതികളുടെ മകളാണ് ലൂമിന മറിയം.