തുറയൂരിൽ ബസും ബൈക്കും കൂട്ടിയിടിച്ച് അപകടം; രണ്ട് യുവാക്കൾക്ക് പരിക്ക്

 പയ്യോളി : തുറയൂർ ഇടിഞ്ഞകടവിനും പാലച്ചുവടിനും ഇടയിലുണ്ടായ വാഹനാപകടത്തിൽ രണ്ട് യുവാക്കൾക്ക് പരിക്കേറ്റു. കീഴൂർ സ്വദേശികളായ ഹനാൻ (19), ഹഫ്രാസ് (21) എന്നിവർക്കാണ് പരിക്കേറ്റത്. ശനിയാഴ്ച ഉച്ചയ്ക്ക് 1.15ഓടെയായിരുന്നു അപകടം.
വടകരയിൽനിന്ന് പേരാമ്പ്രയിലേക്ക് പോവുകയായിരുന്ന ഹരേറാം സ്വകാര്യ ബസും എതിർദിശയിൽ എത്തിയ ബൈക്കും തമ്മിലാണ് കൂട്ടിയിടിച്ചാണ് അപകടം. പരിക്കേറ്റ ഇരുവരെയും കൊയിലാണ്ടി താലൂക്ക് ആശുപത്രിയിൽ പ്രവേശിപ്പിച്ച് പ്രാഥമിക ചികിത്സ നൽകി. തുടർന്ന് തുടർചികിത്സയ്ക്കായി കോഴിക്കോട്ടേക്ക് മാറ്റി.